ނ. ވެލިދޫގެ މުޢައްސަސާތައް ގުޅިގެން މިއަހަރުގެ ފިތުރު އީދު ދުވަހު ޢާއިލީ ހަވީރެއް ބޭއްވުމަށް ވަނީ ހަމަޖެހިފައެވެ. މި ހަވީރު އޮންނާނީ ބަނބުކެޔޮހިޔާ ޕާކުގައި ހަވީރު 4:30 ގައެވެ.
މި ހަވީރަކީ ވެލިދޫ ކައުންސިލް، ބޭންކް އޮފް މޯލްޑިވްސް، މޯލްޑިވްސް ޕޮލިސް ސަރވިސް، ރޯޑް ޑިވެލޮޕްމެންޓް ކޯޕަރޭޝަން އަދި ފެނަކަ ކޯޕަރޭޝަން ގުޅިގެން އިންތިޒާމުކުރާ ޙަރަކާތެކެވެ. މި ޢާއިލީ ހަވީރުގައި ކުޑަކުދިންނަށް ޚާއްސަ ކުޅިވަރު ޙަރަކާތްތަކެއް ކުރިޔަށް ގެންދިއުމަށް ވަނީ ރޭވިފައެވެ.
މީގެއިތުރުން، ފިތުރު ޢީދު ދުވަހުގެ ރޭ ވެލިދޫގައި ވޮލީބޯޅައަށް ޝައުޤުވެރިކަން ހުރި ފަރާތްތަކަށް އަމާޒުކޮށްގެން “ވެލިދޫ ވޮލީބޯލް ލީގް 2025” ގެ ނަމުގައި ވޮލީ ލީގެއް ވެސް ފެށުމަށް ވަނީ ހަމަޖެހިފައެވެ. މި ލީގުގައި އަންހެން އަދި ފިރިހެން ދެ ޑިވިޝަންގެ ކުޅުން ކުރިއަށްދާނެއެވެ.
ވޮލީ ލީގުގައި ބައިވެރިވާ ކުޅުންތެރިން ޓީމުތަކަށް ބަހާލެވިގެން އަންހެން ޑިވިޝަންގައި 3 ޓީމު އަދި ފިރިހެން ޑިވިޝަންގައި 4 ޓީމު ކުޅުމަށްވަނީ ހަމަޖެހިފައެވެ. މި ޙަރަކާތްތަކަކީ ރަށުގެ އެކުވެރިކަން އާލާކޮށް، ކުޅިވަރުގެ ރޫހު އާލާކުރުމަށް ބޭއްވިގެންދާ ޙަރަކާތްތަކެކެވެ.
No comment